Россия Ўзбекистонга “Coca-Cola” муқобилини етказиб беришни бошлади
“2022 йил октябрь ойида Россиянинг “Очаково” комбинати Ўзбекистон ва Қозоғистонга “CoolCola”, “Fancy” ва “Street”нинг биринчи партиясини жўнатди”, – дея компания хабарини келтирган ПРАЙМ агентлиги.
Бугунги кунда улар республиканинг бутун ҳудуди бўйлаб улгуржи ва чакана савдо жойларида сотилмоқда. Яқин кунларда “Корзинка”, “Макро”, “Азия” каби йирик савдо тармоқларига ҳам етказиб бериш режалаштирилмоқда.
“CoolCola”, “Fancy” ва “Street” Россияда фаолиятини тўхтатишини эълон қилган Американинг “Coca-Cola”, “Fantа” ва “Sprite” ичимликлари муқобилларидир. Уларни ишлаб чиқариш март ойидан бошлаган.