Қимор ва таваккалчиликка асосланган ўйинлар учун жавобгарлик кучайтирилади
Қимор ва таваккалчиликка асосланган ўйинларни ташкил қилиш ва тарғиб қилиш учун жавобгарлик кучайтирилиши мумкин.
Адлия вазирлиги томонидан киритилган қонун лойиҳасига кўра, шу каби ўйинларни тарғиб қилувчи маҳсулотни қонунга ҳилоф равишда тарқатиш, ОАВ ва интернетда реклама қилиш, намойиш этиш ҳаракатлари учун маъмурий жазо қўлланилганидан кейин содир этилган бўлса, БҲМнинг 400 бараваридан 600 бараваригача миқдорда жарима ёки 360 соатгача мажбурий жамоат ишлари ёхуд 3 йилгача ахлоқ тузатиш ишлари билан жазоланади.
Шунингдек, бу ҳаракатлар такрорланса ёки хавфли рецидивист, бир гуруҳ шахслар томонидан олдиндан тил бириктириб содир этилган бўлса, 360 соатдан 480 соатгача мажбурий жамоат ишлари ёки 1 йилдан 3 йилгача озодликни чеклаш ёхуд 3 йилгача озодликдан маҳрум қилиш билан жазоланади.