Хонанда Шакира ва Жерар Пике ажрашганидан сўнг фарзандлари ким билан қолиши маълум бўлди
Ёзда колумбиялик дунёга машҳур хонанда Шакира футболчи Жерар Пике билан 12 йиллик муносабатлардан сўнг ажрашгани ҳақида маълумот берилган эди. Уларнинг ажрашишига футболчининг кўп марта хиёнат қилиши сабаб бўлган. Жуфтликнинг иккита ўғли бор ва улар ажрашгандан сўнг фарзандлари ким билан қолишини келишиб олган.
Маълум бўлишича, жуфтлик ажрашганидан сўнг хонанда болаларнинг васийлигини ўз зиммасига олган. Ғарб шоу-бизнесининг энг чиройли жуфтликларидан бири ҳисобланган Шакира ва Жерар Пике 2010 йилда футбол бўйича ўтказилган жаҳон чемпионатида танишган. Хонанда севгилисидан 10 ёш катта бўлган, бироқ ёшдаги фарқ севишганларнинг муносабатига таъсир қилмаган.