Болани она сутидан ажратишга қарор қилган бўлсангиз қандай тавсияларга амал қилиш керак?
Айрим оналар баъзан болани бир неча кун бувиси ёки қариндоши қарамоғида қолдириб, бирданига эмизишни тўхтатишга қарор қилишади.
Шу вақт ичида бола онани кўрмай туриб, кўкракни «унутади» ва уни доимий сўрашни бас қилади. Агар аёл болани бирдан эмизишдан айиришга қарор қилса, муаммоларга дуч келмаслик учун қуйидагилар тавсия этилади:
Кун давомида ичиладиган суюқлик миқдорини камайтириш;
Иссиқ овқатни чеклаш;
Қаттиқ ич кийим кийиш;
Шишган кўкрак оғриғини бартараф этиш, кўкракда сут димланиши ва тўпланиб қолишини камайтириш учун сут тўлиқ қайтгунига қадар уни кам-кам согъиб туриш.
Агар лактация жараёнини табиий равишда тўхтатиб бўлмаса, гинекологга мурожаат қилиш ва шифокор билан биргаликда организмда сут ишлаб чиқаришни тўхтатиш учун дори-дармон танлаш керак бўлади.