Трампнинг қизи нигериялик миллиардерга турмушга чиқди (фото) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Daily Mail АҚШнинг 45-президенти Дональд Трампнинг кенжа қизи Тиффани Трамп севгилиси, нигериялик миллиардер Майкл Булосга турмушга чиқди. Бу ҳақда Daily Mail хабар берди. Тўй 500 киши иштирокида 12 ноябрь куни Трампнинг Флорида штатидаги Палм-Бич мулкида бўлиб ўтди. 29 ёшли Тиффани ўзидан тўрт ёш кичик эркак билан турмуш қурди. Дональд Трамп тўй куни қизига ҳамроҳлик қилди. Тиффани мунчоқлар билан тикилган, Elie Saab брендининг ҳашаматли оқ либосида кўриниш берди. Келиннинг фатаси узун бўлиб, ҳашаматли сирғалар унинг кўринишини очиб берди. Тиффанининг гулдастаси эса нафислиги билан ажралиб турди. Фото: Instagram / Иванка Trump Тўйда Тиффанининг онаси, Дональд Трампнинг собиқ рафиқаси Марла Мейплс, шунингдек, унинг ўгай синглиси Иванка Трамп ҳам иштирок этган. У маросимга турмуш ўртоғи ва учта фарзанди: тўнғич қизи ва икки ўғли билан келган. Иванка юнонча услубдаги кўк либосда кўриниш берган. Фото: Daily Mail Тиффани Трамп ва Майкл Бурос учрашуви Тиффани Трамп ва Майкл Булос 2018 йилда Грециянинг Миконос оролида учрашган. Ўша пайтда Тиффани Жоржтаун ҳуқуқшунослик факультети талабаси бўлган, Майкл эса Лондон шаҳар университетида лойиҳаларни бошқариш бўйича таҳсил олган. Майкл 2021 йилда Оқ уйдаги атиргул боғида Тиффанига тахминан 1,2 миллион долларлик зумраддан ўйилган 13 каратли олмос узук билан турмуш қуришни таклиф қилган. Фото: Daily Mail Фото: The New Daily «Тиффани дабдабали тўйни режалаштиришни кутаётган эди. Унинг турмуш ўртоғи жуда бадавлат оиладан, улар бутун дунё бўйлаб барча дўстлари ушбу воқеани улар билан нишонлашларини хоҳлаган», — деди инсайдер журналистларга.