Биринчи ёрдам кўрсатишдаги асосий хатолар!
Шифокор Нозима Ўринова:
Куйган жойдаги жароҳатларга ёғ ёки қатиқ суртиш: ёғ яранинг атрофида «парник эффекти»ни ҳосил қилади, бунинг натижасида куйган жойдаги ҳарорат ортади ва ярани янада хавфлироқ ҳолатга олиб келади. Йод, спирт, зёленка ҳам бўлмайди, чунки улар терини қуритиб қўяди, бундан фақат оғриқ юзага келади.
Жароҳат олган одамни қимирлатиш, ҳолатнинг ўзгариши натижасида қон кетиши кузатилиши мумкин!
Агар кимдир тиқилиб қолса орқасига уриш: бу ҳаракат ёт жисмни нафас йўлига ёки кейинги қисмларга ўтиб кетишига сабаб бўлиши мумкин!
Яраланган жойдан пичоқни суғуриб олиш: ушбу ҳолатда кучли қон кетиши кузатилиши мумкин!
Венани жгут билан қисиш: керакли жойга қўйилмаган ва у ерда қолиб кетган жгут, тўқима некрозини келтириб чиқариши мумкин, бунинг натижасида қўл ёки оёқни кесиб ташлашга тўғри келади.