Кончи ота ювинмасдан ўғли билан баскетбол ўйинига борди ва интернет юлдузига айланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: AdMe Яқинда ижтимоий тармоқларда Кентукки университети баскетбол жамоасининг ўйини вақтида олинган суратлар тарқалди. Суратда ўғли билан ўйинга борган ота тасвирланган, унинг кийимлари ифлос, қўллари ва юзи кўмир чанги билан қопланган. AdMe нашри ушбу фотосуратнинг ўзига хослиги ва нима сабабдан у ўн минглаб лайк йиғгани ҳақида маълумот берди. Сурат бир мухлис томонидан эълон қилинган ва агар бу кадр Kentucky Wildcats бош мураббийи Жон Калипари томонидан қайта жойланмаганида эътибордан четда қолиши мумкин эди. Жон фотосурат тавсифида ҳолат ҳақида қисқача изоҳ бериб ўтган. Маълум бўлишича, кончи иш сменасидан сўнг дарҳол баскетбол ўйинига отланган. У ўғли билан ўйинни томоша қилишни хоҳларди. Бироқ кончи душ қабул қилишга ва кийинишга улгурмади. Шунинг учун у кийимлари кир ҳолатда ўйинга борди. Мураббий мухлиснинг бу ҳаракатига қойил қолди ва унга, унинг оиласига кейинги ўйинга VIP чипталарни ваъда қилди. Фото: AdMe Сурат шу қадар машҳур бўлдики, кончининг рафиқаси бунга муносабат билдирган. У ҳатто Twitter’да эски аккаунтига кириш ҳуқуқини йўқотиб, янги аккаунт яратди. Молли исмли аёл унинг турмуш ўртоғи Майкл Макгуайр ва 3 ёшли ўғли Истоннинг сурати ижтимоий тармоқларда тарқалиб кетган. Гап шундаки, эркак ўғлига ҳаётидаги илк баскетбол ўйинига у билан бирга боришга ваъда берган. Бироқ кончининг навбатчилиги кеч тугаганлиги сабабли Моллининг ўзи фарзандини аренага олиб келган ва у ерда турмуш ўртоғи билан учрашган. «У учун ўйин бошиданоқ Истон билан бирга бўлиш жуда муҳим эди», — дейди аёл. Ўзининг ташқи кўриниши билан ажралиб турган бу инсонни Кентуккидан келган жамоанинг содиқ мухлиси Сю Киннер пайқаб қолди ва суратга олди. «Унинг ҳамма жойи ифлос, юзи қорайган эди. У жуда чарчагандек кўринарди, бироқ ўғлига жилмайиб қўярди. Кичкина бола уни қучоқлаб, отасининг тиззасига ўтирди. Улар жуда бахтли кўринишарди», — дейди Сю журналистларга. Тармоқ фойдаланувчиларига машаққатли меҳнатдан чарчаганига қарамай, баскетбол ўйинида ўғли билан вақт ўтказиш учун вақт ва куч топиб олган ота ҳақидаги ҳикоя жуда ёқди. «У ҳақиқатан ҳам дунёдаги энг яхши ота», — дейди кончининг рафиқаси Молли.