Россия телеканали қўшиқдаги «тинчлик» ва «уруш» сўзларини эшитилмайдиган қилиб қўйди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: kirov-portal «Авлодлар жанги» дастурида хонанда Zivert «Ҳаммаси ҳал бўлди» қўшиғига кавер ижро этди. «Биз тинчлик учун овоз берамиз, лекин уруш яна модага қайтди» қатори цензурага учради. Муз-ТВ телеканали «Авлодлар жанги» кўрсатуви доирасида хонанда Zivert ижро этган «Гости из будущего» гуруҳининг қўшиғидаги «тинчлик» ва «уруш» сўзларини эшитилмайдиган қилиб қўйди. 19 ноябрь, шанба куни намойиш этилган дастур Муз-ТВ YouTube-каналида эълон қилинган. Zivert рақиби Ева Полнанинг 2004 йилда ёзилган «Ҳаммаси ҳал бўлди» композициясига кавер ижро этди. Санъаткор «Биз тинчлик учун овоз берамиз, аммо уруш яна модада» қаторига келганида, дастур ёзувига кўра, тегишли сўзлардаги овоз ўчириб қўйилди. «Авлодлар жанги» бошловчиси Константин Анисимов «Подъем» нашрига берган изоҳида нега икки сўз бўғилиб қолганини тушунтириб бера олмади ва саволни телеканал матбуот хизматига йўналтирди. Хонандалар бу воқеага ҳозирча изоҳ беришмади. RTVI телеканали яқинда ТНТ телеканалидаги «Янги рақслар» телекўрсатувида - Синекдоча Монтокнинг «Қандай қилиб сут бўлмаслик керак» қўшиғида «уруш» сўзи эшитилмайдиган қилиб қўйганини аниқлади.