Томас Мюллер: "Мағлубият ўз-ўзидан содир бўлмади" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Жаҳон чемпионати 1-туридан ўрин олган Германия - Япония (1:2) учрашувидан сўнг "немис машинаси" етакчиларидан бири Томас Мюллер мағлубият сабаблари ҳақида гапирди. "Узоқ вақт давомида рақибдан яхшироқ ўйнадик, аммо футболда устунликни голга айлантириш лозим. Бизда самарадорлик анча паст эди. Мундиални мағлубият билан бошлаш кулгили. Лекин ўтказиб юборган голларимизга қаралса, мағлубият ўз-ўзидан содир бўлмади. Буни инобатга олишимиз шарт. Ютқазганини тан олиш ҳеч қачон осон бўлмайди. Бироқ биз холис фикр юритишимиз керак. Агар яратган вазиятларингиздан фойдалана олмасангиз, ҳеч нарса юта олмайсиз", - деди Мюллер. Энди германияликлар навбатдаги ўйинни Испанияга қарши ўтказади.