Маскнинг сиёсати туфайли Twitter асосий реклама берувчиларини йўқотмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Getty Images Бизнесмен Илон Маскнинг ижтимоий тармоқни бошқариш сиёсати фонида йирик брендлар ва реклама агентликлари Twitter’даги рекламаларни тўхтатиб қўйди. Бу ҳақда Financial Times хабар бермоқда. Таъкидланишича, Twitter’даги оммавий ишдан бўшатишлар туфайли кўплаб брендлар реклама кампанияларини ўтказишда қийинчиликларга дуч келмоқда. FT маълумотларига кўра, реклама агентликлари Twitter реклама бўлимида ўз вакилларини йўқотди ва энди реклама кампаниялари бўйича фикр-мулоҳазаларни ололмайди. Улардан баъзилари реклама кампанияларини олиб боришда техник муаммоларга ҳам дуч келган. Илон Маск сайтдаги реклама харажатларини камайтирган йирик брендлар раҳбарияти билан шахсан боғланишга уриниб кўрган. Бироқ бир қатор компаниялар реклама сармояларини минимал даражага туширишга қарор қилган. Шунингдек, дунёнинг энг бой одами етакчи брендлар ва реклама агентликлари вакиллари билан уларни тинчлантириш учун бир қатор учрашувлар ва қўнғироқлар ўтказган. Октябрь ойи охирида Илон Маск Twitter’ни 44 миллиард долларга сотиб олиш бўйича келишувни якунлаган эди. Компанияга келганидан кейин ходимларнинг ярми қисқартирилди, Маск эса келажакда ходимларни кенгайтиришга ваъда берди. Илон Маск келишидан олдин Twitter’нинг реклама даромади йилига тахминан 5 миллиард долларни ташкил қилган.