Намангандаги хонадонларнинг бирида ёнғин сабаб 2 киши жароҳатланди
Намангандаги хонадонлардан бири ёниб кетди. Бу ҳақда вилоят ФВБ Ахборот хизмати хабар берди.
Бугун, 11 декабрь куни соат 01:13 да Наманган шаҳар Фавқулодда вазиятлар бўлими 101 қисқа рақамига “Диёр” МФЙ худудида жойлашган хонадонларнинг бирида ёнғин содир бўлаётгани ҳақида хабар келиб тушган, келиб тушган хабарга асосан бўлимнинг 1,3-сонли ёнғин-қутқарув қисмининг экипажлари воқеа жойига юборилган, гуруҳ соат 01-18 да манзилга етиб борган, ёнғин қутқарувчилар томонидан соат 01:45 да тўлиқ бартараф этилган.
Қайд этилишича, ёнғин натижасида яшаш уйиниинг шифт ва том қисмидан 70 кв.метр жойи ҳамда уй-рўзғор буюмлари ёниб зарарланган.
Ёнғин вақтида хонадон эгаси 1952 йилда туғилган фуқаро 65 фоиз, уй эгасининг ўғли 1980 йилда туғилган 2-гурух ногирони 95 фоиз куйиш шоки ўта оғир даражасида куйиб, тан жарохати олган.
Ҳодиса сабаби газ ва хаво аралашмаси натижасида чақнашидан келиб чиққанлиги тахмин қилинмоқда, хонадон эгаси билан сухбатлашилганда хонани иситиш мақсадида қўлда ясалган тунука печга газ сурғич ўрнатилганини қайд этган.
Ҳозирда содир бўлган ёнғин юзасидан терговга қадар суруштирув ишлари олиб борилмоқда.