Шавкат Мирзиёев: «Менинг катта ниятим — юртдошларимиз орасида юз минглаб мулкдорлар, акциядорлар пайдо бўлсин» — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: Президент матбуот хизмати Шавкат Мирзиёев 20 декабрь куни Олий Мажлисга йўллаган мурожаатномасида 2023 йилда «катта хусусийлаштириш» бошланиши, мингга яқин корхона савдога чиқарилишини таъкидлади. «Менинг катта ниятим – юртдошларимиз орасида юз минглаб мулкдорлар, акциядорлар пайдо бўлсин. Одамларимиз ўз омонатларини инвестиция қилиб, юқори даромадларга эга бўлсин. Шунинг учун, топшириқ бердим. Кейинги йилда энг йирик 10 та компания ва тижорат банкларимизнинг акциялари ўз аҳолимиз учун очиқ ва шаффоф савдога чиқарилади. Бу чинакам халқ IPO’си бўлишига ишонаман», — деди президент. Жаҳон савдо ташкилотига аъзо бўлиш бўйича асосий музокараларни якунлаб, ички қонунчиликни мослаштириш, янги стандартларни жорий этиш ишлари жадаллаштирилади. Умуман, 2023 йилда экспорт ҳажми тарихда илк бор 23 миллиард доллардан ортади (2018 йилда 14 миллиард доллар бўлган). Маълумот учун, IPO Initial Public Offering сўзларининг қисқартмаси бўлиб, акциядорлик жамиятининг акцияларини бирламчи ошкора таклиф этиш маъносини билдиради.