«Аватар: Сув йўли» фильми тақдимотнинг илк кунларидаёқ 435 миллион доллар маблағ тўплади — Бизга қўшилинг: ???? https://t.me/joinchat/AAAAADwt0NGCRoONT4f1_Q

Фото: «Film.ru» Жеймс Кемероннинг «Аватар: Сув йўли» блокбастери илк дам олиш кунларида 434,5 миллион доллар тўплашга муваффақ бўлди. Уларнинг 134 миллион доллари Шимолий Америкадаги прокатдан, 300,5 миллион доллари эса халқаро ҳудудларга тўғри келади, деб ёзади «Film.ru». Биринчи фильм 2009 йилда бор-йўғи 241,5 миллион доллар тўплаган. Картинанинг давоми эса бюджетда ҳам бу рақамлардан ошиб кетди. Deadline маълумотларига кўра, картина учун тахминан 460 миллион доллар сарфланган. Фильм ўзини оқлаши учун камида 2,05 миллиард доллар тўплаши керак. «Аватар: Сув йўли» сюжети Наъви қабиласидан бўлган Жейк Сулли (Сем Уортингтон) ва унинг оиласи ҳақида ҳикоя қилади. Қаҳрамонлар инсон зотининг таҳдиди туфайли янги сувости ҳудудига кўчиб ўтишга мажбур бўлади. Фильмда Зои Салдана, Сигурни Уивер ва Кейт Уинслет ҳам суратга тушган.