2022 йил юқори миллий чемпионатларда энг кўп гол урган футболчилар ким бўлди? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Маълумот “Transfermarkt” портали ҳисоб-китобига кўра тузилди. Унга кўра, ўтган йил юқори миллий чемпионатларда энг кўп тўп киритган ўйинчи Сингапурнинг “Тампинс Роверс” жамоасидаги черногориялик легионер Борис Копитович бўлди. У 2022 йил С-Лигада умумий 28 баҳсда қатнашиб, 35 та гол урган. Копитовичдан кейинги ўринда “Кашемир Техникал” (Янги Зеландия)нинг ирландиялик ўйинчиси Гарбан Кохлан жой олди – 22 баҳсда 33 гол. Кучли учликка Сингапур биринчилигида тўп тепувчи бошқа бир футболчи япониялик Кодаи Танака (“Альбирекс Ниигата”, 28 учрашув, 33 гол) якун ясади. Беларусни ёндирган Ўзбекистон МТЖ аъзоси Бобир Абдихолиқов 2022 йил давомида “Энергетик-БГУ” билан чемпионатда 30 учрашувда 26 та гол урди. У Рейтингда кучли ўнликда турибди. Бундан ташқари, Ўзбекистон Суперлигасида рақиб дарвозабонлари “кушанда”сига айланган “Пахтакор” ҳужумчиси Драган Черан топ-50 рўйхатда бор. 2022 йил юқори дивизионларда энг кўп гол урган футболчилар ўнлиги: 1. Борис Копитович (“Тампинс Роверс” жамоаси, Сингапур чемпионати) - 28 ўйин, 35 гол; 2-3. Гарбан Кохлан (“Кашемир Техникал”, Янги Зеландия) – 22 ўйин, 33 гол; 2-3. Кодаи Танака (“Альбирекс Ниигата”, Сингапур) – 28 ўйин, 33 гол; 4. Килиан Мбаппе (ПСЖ, Франция) – 33 ўйин, 32 гол; 5. Эрлинг Холанд (“Ман Сити”, Англия/”Боруссия Д”, Германия) – 28 ўйин, 30 гол; 6-7. Бергсон (“Жоҳор Дарул Таъзим”, Сингапур) – 19 ўйин, 29 гол; 6-7. Роберт Левандовски (“Барселона”, Испания/”Бавария”, Германия) – 32 ўйин, 29 гол; 8. Кризан (“Шаньдун Тайшань”, Хитой/”Санта Клара”, Португалия) – 41 ўйин, 28 гол; 9. Маркус Винисиус (“Ухань”, Хитой) – 26 ўйин, 27 гол; 10... Бобир Абдихолиқов (“Энергетик-БГУ”, Беларус) – 30 ўйин, 26 гол. *шунингдек, Харри Кейн ва яна 5 футболчида 26 тадан гол бор. .......................... 20. Кристофер Нкунку (“РБ Лейпциг”, Германия) – 32 ўйин, 25 гол; .......................... 31. Виссам Бен Йеддер (“Монако”, Франция) – 32 ўйин, 22 гол; .......................... 39. Неймар (ПСЖ, Франция) – 27 ўйин, 21 гол; .......................... 44-64-ўринлар. Драган Черан (“Пахтакор”, Ўзбекистон) – 23 ўйин, 20 гол; 44-64. Чиро Иммобиле (“Лацио”, Италия) – 27 ўйин, 20 гол; 44-64. Одион Игало (“Ал Ҳилол”, Саудия Арабистони) – 27 ўйин, 20 гол. Муаллиф: Eldor Akmurzayev Манба: Championat.asia