«Толибон» ҳаракати тўйхоналар фаолиятини тақиқлади — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: AP Photo «Толибон» ҳаракати Афғонистоннинг Саманган вилоятидаги тўйхоналар фаолиятини тақиқлади. Бу ҳақда Etilaatroz хабар берди. Маълум қилинишича, «Толибон» фоҳишабозликнинг олдини олиш ва «ислом шариати»га риоя қилиш сабабли бир неча залларни ёпиб қўйган. Ойбак шаҳридаги Қаср Алмас, Қаср Риёз ва Қаср Султон ёпилган учта тўйхона ҳисобланади. Тўйхона эгалари «Толибон» ҳаракатини танқид қилмоқда. Улардан бири «Толибон»нинг қарори ишсизликнинг ортишига олиб келиши, инвесторларнинг мамлакатда ишлашга бўлган қизиқишини сўндиришини айтган. Тўйхонадаги ходимларнинг бир қисми мамлакатда қашшоқлик ва ишсизлик ортиб бораётганидан хавотирда ва «Толибон»нинг бу қарорини қайта кўриб чиқишини истамоқда. Эслатиб ўтамиз, Афғонистоннинг Тахор вилоятидаги мактабда «Толибон» ўз жангчисининг никоҳ маросимини ўтказганди. Маросим «Саед Ҳусайн Шаҳид» мактабида бўлиб ўтган ва унда фақат эркаклар қатнашган. Тўй иштирокчилари мактаб биносида овқатланган. «Толибон» ҳеч кимга сурат ёки видео олишга рухсат бермаган.