"Барселона" "Реал"ни ишончли тарзда мағлуб этиб, Испания Суперкубоги ғолибига айланди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Испания Суперкубоги финалидан ўрин олган "Реал" - "Барселона" баҳси бўлиб ўтди. Унда "кўк-анорранглилар" йирик 3:1 ҳисобида рақибидан устун келди. Дастлаб, 34-дақиқада Гави ҳисобни очган бўлса, тайм сўнггига яқин Левандовски фарқни иккитага етказиб қўйди. 69-дақиқа ўтиб бораётган бир пайтда Педри ҳисобни йирик 3:0 кўринишига келтириб қўйди. Қайд этиш лозим, 2 ва 3-голларга Гави ассист вазифасини бажарди. Фақатгина асосий вақтга қўшиб берилган дақиқаларда Бензема фарқни қисқартиришга муваффақ бўлди. Шу тариқа, Хави шогирдлари Испания Суперкубоги ғолибига айланди. "Реал Мадрид" — "Барселона" 1:3 Реал Мадрид – Куртуа, Карвахаль (Начо, 72), Рюдигер, Милитао, Менди, Модрич (Себальос, 65), Кроос (Асенсио, 72), Камавинга (Родриго, 46), Вальверде, Бензема, Винисиус Жуниор. Барселона – тер Стеген, Араухо (Эрик Гарсия, 86), Кристенсен, Кунде, Бальде, Бускетс, де Йонг (Кессиэ, 87), Педри (Серджи Роберто, 90), Гави (Фати, 90), Левандовски, Дембеле (Рафинья, 78). Огоҳлантиришлар: Менди (32), Кристенсен (49), Араухо (68), Вальверде (82).