Жаҳонгир Ортиқхўжаевнинг қаерга учиб кетмоқчи бўлганлиги маълум бўлди
Ўзбекистон ҳуқуқ-тартибот идоралари Тошкентнинг собиқ ҳокими Жаҳонгир Ортиқхўжаевни Тошкент халқаро аэропортида қўлга олгани ҳақида хабар бергандик.
“Газета.uz”нинг маълум қилишича, собиқ ҳоким ва унинг оиласи Туркиянинг Истанбул шаҳрига кечикиб учган “Ўзбекистон ҳаво йўллари”нинг ҲЙ 271 рейсига рўйхатдан ўтган. Парвоз 16 январь куни соат 7:40 да амалга оширилиши керак эди.
Эслатиб ўтамиз, Президент Шавкат Мирзиёев душанба куни бўлиб ўтган йиғилишда пойтахт ҳокими Жаҳонгир Ортиқхўжаев истеъфога чиқишини маълум қилди. “Кеча штабда мен уни лавозимидан четлатдим. Ёлғон хабар учун, пастга тушмагани учун, оёғи ердан узилгани учун уни ишдан бўшатганман”, — деди давлат раҳбари.