Сирдарёда газ портлаши оқибатида икки киши ҳалок бўлди
15 январ куни Ховос тумани «Қаҳрамон» МФЙда жойлашган 2 қаватли бинонинг 1-қаватида содир бўлган газ-ҳаво аралашмасининг чақнаши оқибатида 2 та хонадоннинг қурилиш конструксияларига шикаст етган.
Воқеа жойига вилоят Фавқулодда вазиятлар бошқармасининг ёнғин-қутқарув отряди зудлик билан етиб бориб, қидирув-қутқарув ишларини олиб борган. Aфсуски, ушбу ҳодиса оқибатида икки нафар фуқаро вафот этган, бир нафар фуқаро тан жароҳати олиб, шифохонага жойлаштирилган.
Ҳолат ҳақида хабар топган вилоят ҳокими ҳамда тегишли масъуллар ҳам воқеа жойига етиб борди, дейилади вилоят ҳокимлиги хабарида.
Мазкур ҳолат юзасидан терговга қадар суриштирув ишлари олиб борилмоқда.