Қозоғистонда халқаро қидирувга берилган ўзбекистонлик қўлга олинди
![Қозоғистонда халқаро қидирувга берилган ўзбекистонлик қўлга олинди](https://gdb.rferl.org/BA50442A-17CD-42B6-8052-D4FC2C2E37E5_w800_h450.jpg)
Қозоғистоннинг Атирау шаҳрида 17 январь куни халқаро қидирувда бўлган ўзбекистонлик муҳожир қўлга олинган. Бу ҳақда “ҚазТАГ” агентлиги ИИВдан олинган маълумотга таянган ҳолда хабар қилди.
30 ёшли ўзбекистонлик дастлаб миграция соҳасидаги қонунчиликни бузгани учун ушланган. Кейинроқ унинг ўғрилик жинояти учун 2021 йилдан буён қидирилаётгани аниқланган.
Хабарга мувофиқ, қўлга олинган гумонланувчи Атирау полицияси бошқармасининг тергов-тезкор гуруҳига топширилган.