Bloomberg дунё миллиардерларининг янги рейтингини эълон қилди

Bloomberg дунё миллиардерларининг янгиланган рўйхатини эълон қилди.

Нашр талқинига кўра, Louis Vuitton Moët Hennessy (LVMH) компаниялар гуруҳи президенти Бернар Арно 191 млрд доллар билан рейтингда биринчи ўринни эгаллаган. Унинг бойлиги ҳисобот даврида 29 млрд долларга кўпайган.

Иккинчи ўринни SpaceX асосчиси ва Tesla бош директори Илон Маск банд этган. Маскнинг бойлиги 169 млрд долларни ташкил этган.

Amazon асосчиси Жефф Безос эса 129 млрд долларлик бойлиги билан учинчи ўриндан жой олди. Унинг бойлиги ўтган давр мобайнида 8 млрд долларга ошган.

Bloomberg талқинига кўра, Топ-10 миллиардерлар

Бернар Арно, Франция, 191 млрд доллар, LVMH
Илон Маск, АҚШ, 169 млрд доллар, Tesla, SpaceX
Жефф Безос, АҚШ, 129 млрд доллар, Amazon
Билл Гейтс, АҚШ, 113 млрд доллар, Microsoft
Уоррен Баффет, АҚШ, 108 млрд доллар, Berkshire Hathaway
Ларри Эллисон, АҚШ, 103 млрд доллар, Oracle
Ларри Пейж, АҚШ, 92,7 млрд доллар, Google
Стиб Балмер, АҚШ, 90,2 млрд доллар, Microsoft
Сергей Брин, АҚШ, 89,1 млрд доллар, Google
Карлос Слим, Мексика, 85,7 млрд доллар, Grupo Carso
Шунингдек, Россиянинг USM Holdings Limited компанияси эгаси, асли келиб чиқиши ўзбекистонлик бўлган россиялик миллиардер Алишер Усмонов ушбу рўйхатда 81-ўринда қайд этилган. Унинг бойлиги йил давомида 1,26 млрд долларга кўпайиб, 19,7 млрд долларга етган.