Камерун ҳукумати терма жамоага Россияга қарши ўртоқлик учрашув ўтказишни тақиқлади
Россия ва Камерун терма жамоалари ўртасидаги ўртоқлик учрашуви ўтказилмайди. Аввалроқ ОАВ ушбу терма жамоалар ўртасидаги ўртоқлик учрашуви келаси ой бўлиб ўтиши мумкинлигини хабар қилганди. Тахминларга кўра, ўйин 15 июнь куни «Лужники»да бўлиб ўтиши керак эди.
«Спорт-Экспресс» нашрининг маълум қилишича, Африка давлати расмийлари терма жамоанинг россияликлар билан назорат ўйинида иштирок этишига чек қўйган.
ФИФА ва УЕФА тақиқи туфайли Россия терма жамоаси фақат ўртоқлик ўйинлари ўтказиши мумкин. Валерий Карпин бошчилигидаги Россия терма жамоаси сўнгги ўртоқлик учрашувини Ироқ терма жамоасига қарши ўйнади. Россиялик футболчилар ўз уйларида 2:0 ҳисобида ғалаба қозонишди.