Илон Маск Twitter логотипи ва номини ўзгартирди

Аввалроқ Twitter бренди билан хайрлашишга ва барча қушларни олиб ташлашга ваъда берган миллиардер Илон Маск ижтимоий тармоқ логотипини қора фондаги оқ Х ҳарфи билан алмаштирди.

Шунингдек, Twitterда янги домен – х.cом пайдо бўлди.

Якшанба куни эрта тонгда Илон Маск шундай деб ёзган эди: «Агар бугун кечқурун етарлича яхши Х логотипи таклиф қилинса, эртага биз уни бутун дунё бўйлаб тақдим этамиз».

У милтилловчи Х тасвирини ҳам жойлаштирди, кейинроқ Twitter Spaces аудио чатида Twitter логотипи ўзгарадими деган саволга у «Ҳа» деб жавоб бериб, буни анча олдин қилиш кераклигини қўшимча қилди.

Ўтган йил октябрда Илон Маск Twitterни сотиб олгач, компания ўз номини Х Corp га ўзгартирди.

Twitterдан ҳозирча ҳеч қандай изоҳ берилмаган. Twitter компаниясининг кўк қуш логотипи унинг энг таниқли бойлиги эканлигини айтади: «Шунинг учун биз унга жуда яхши муносабатда бўламиз».

Апрелда қуш қисқа вақт ичида Dogecoin криптовалютасининг рамзи бўлган ит Сиба Ину билан алмаштирилди, бу эса узоқ вақт бўлмаса-да, бу криптовалюта қийматининг кескин ошишига олиб келди.

Ёз бошида Илон Маск Twitter турли аккаунтларга (пуллик ва бепул) фойдаланувчиларнинг кунига ўқиши мумкин бўлган твитлар сонини чеклашини маълум қилди. Бу фойдаланувчилар ва сотувчилар томонидан кескин танқидларга сабаб бўлди ва Twitterнинг тўғридан-тўғри рақобатчиси Марк Цукербергнинг Meta, Threads дастурига беш кун ичида 100 миллион янги обуначиларни орттириш имконини берди.

Ўтган сешанба куни Twitterга нисбатан компания собиқ ходимларига камида ярим миллиард доллар ишдан бўшатиш нафақаси тўлаши кераклиги ҳақидаги даъво қўзғатилди. Компанияни Илон Маск сотиб олгач, харажатларни камайтириш мақсадида ходимларнинг ярмидан кўпи ишдан бўшатилди.