Жеймс Уэбб телескопи ғаройиб галактикани суратга олди
Жеймс Уэбб фазовий телескопи М51 спирал галактикасининг тасвирини тақдим этди. У Ердан тахминан 27 миллион ёруғлик йили узоқликда жойлашган.
Мазкур галактика NGC 5194 деб ҳам аталади, бошқа спирал галактикалардан ўзининг аниқ кўриниб турган спирал “енги” билан ажралиб туради. Бошқа спирал галактикаларда бу “енг”лар тарқоқ бўлади.
Фазовий телескоп галактикани суратга олиш учун MIRI ва NIRCam асбобларидан фойдаланди. Натижада икки хил сурат пайдо бўлди, кейин олимлар уларни бирлаштиришди.
Масалан, NIRCam тасвиридаги тўқ қизил жисмлар бу ҳудуддаги иссиқ, ипсимон чангни, тўқ сариқ ва сариқ рангли жисмлар эса янги пайдо бўлган юлдуз кластерлари натижасида ҳосил бўлган ионлашган газ парчаларини билдиради.
МИРИ асбоби томонидан олинган тасвирда бўшлиқлар ва ёрқин ипсимон жисмлар жой алмашади, бу спирал “енг”лардан ажралиб чиқадиган ўзига хос тўлқинлар кўринишини беради.
MIRI ва NIRCam томонидан олинган тасвирлар бирлаштирилиб, яхлит ҳолатга келтирилди, деб хабар беради korrespondent.net.