АҚШ Исроилга 2 минг нафар танланган ҳарбийларни юбориши мумкин
Америка Қўшма Штатлари Исроилга юбориш учун 2 минг ҳарбийни танлаб олди. Бу ҳақда Тhе Wаll Street Journal Пентагон вакилларига таяниб хабар берди.
Оқ уйнинг Фаластин-Исроил можаро зонасига қўшин юбориш режаси йўқлиги ҳақидаги баёнотлари фонида Қўшма Штатлар Исроилга потенциал жойлаштириладиган аскарларни тайёрламоқда, деб ёзади нашр.
Нашр манбаларига кўра, ҳарбийларнинг вазифалари маслаҳат бериш ва тиббий ёрдам кўрсатиш бўлади. Улар жанговар ҳаракатларда қатнашиш учун мўлжалланмаган, дейилади хабарда.