Бензема вазирни судга бермоқчи
Саудия Арабистонининг “Ал Иттиҳод” жамоасининг ҳужумчиси Карим Бензема Франция ички ишлар вазирини судга бермоқчи. Футболчи Яқин Шарқдаги можаро ҳақида гапириб шундай деганди: “Биз аёллар ва болалар жабрланаётган, ноҳақ портлашлар қурбони бўлаётган Ғазо халқи учун яна дуо қиламиз”.
Каримнинг бу гапига жавобан Франция ички ишлар вазири Жеральд Дарманен: “Билишимизча, Бензема “Мусулмон-биродарлар” ташкилоти билан алоқадор”, деган.
Футболчи ўзининг адвокати Ҳьюга Вижье орқали ташкилотга алоқаси йўқлигини айтди ва вазирга судга мурожаат қилиши билан таҳдид қилди.
“Бу ёлғон! Бенземанинг бу ташкилот билан заррача алоқаси йўқ. У ташкилотни террорчи деб эълон қилган Саудия Арабистонида яшамоқда.
Биз бу вазирга нисбатан ахборотни манипуляция қилиш тўғрисидаги қонун доирасида судга даъво қўйиш имкониятини кўриб чиқяпмиз. Мамлакатни бошқараётганларга ўзлари хоҳлаган нарсани айтишга ҳақли эмас”, — деди адвокат Вижье.