«Олтин тўп»га ким лойиқ: Месси ёки Холанд?
«Манчестер Сити» бош мураббийи Пеп Гвардиола «Олтин тўп» ҳақида фикр билдирди. Совринга асосий даъвогарлар аргентиналик Лионель Месси ва норвегиялик Эрлинг Холанд.
«Мен Леога ҳам, Эрлингга ҳам боғланиб қолганман. Агар Месси «Олтин тўп»ни қўлга киритса, бу унинг жаҳон чемпионатидаги ғалабаси учун адолатли муваффақият бўлади. Агар соврин Холандга берилса, у ўйнаган мавсум туфайли адолатли бўлади. Бу йил иккита мукофот топширили керак. Иккаласи ҳам бунга лойиқ», – деди Гвардиола ESPN билан суҳбатда.
Эслатиб ўтамиз, бугун, 30 октябрь куни «Олтин тўп»ни тантанали топшириш маросими бўлиб ўтади.