АҚШ номаълум учар жисмлар ҳақидаги ҳужжатларни махфийликдан чиқармоқчи
0
Фото: AP Photo
АҚШ Конгресси 2023 йил охирида номаълум учувчи жисмлар ҳақидаги маълумотларнинг махфийлигини бекор қилувчи қонун лойиҳасини қабул қилди. Бу ҳақда New York Times хабар берди.
Кенг муҳокамалардан сўнг қабул қилинган қонунга кўра, сўнгги 25 йил ичида “номаълум аномал ҳодисалар, келиб чиқиши номаълум технологиялар ва инсоний бўлмаган интеллект”га оид ҳужжатлар эълон қилиниши мумкин.
Қабул қилинган номаълум учар жисмлар ҳақидаги қонун лойиҳаси эндиликда АҚШ президенти Жо Байден томонидан тасдиқланиши керак. Бундан ташқари, қонун унга миллий хавфсизлик нуқтаи назаридан айрим материалларни махфийликдан чиқармаслик ҳуқуқини беради.