Турмуш ўртоғидан эрта айрилган машҳур бевалар (фото)
Дилором Эгамбердиева. Кўпчилигимизга «Темир хотин», «Келинлар қўзғалони» фильмлари билан таниш бўлган бу актриса 90 йилларнинг бошида, Қирғизистоннинг Жалолобод шаҳрида турмушга чиққан. Тақдир тақозоси билан унинг турмуш ўртоғи эрта оламдан ўтган. Ундан кейин актриса бошқа турмуш қурмаган. Дилором Эгамбердиева бундан бир неча йил олдин ёлғиз қизини турмушга берган. Ҳозирги кунда у Тошкент шаҳрида жияни билан бирга яшайди.
Зулхумор Мўминова. Ушбу актрисани кўпчилигимиз асосан овозини, яъни дубляж соҳасидаги фаолияти орқали яхши таниймиз. У талабалик йилларида халқимиз таниган актёр Зокир Мўминовга турмушга чиққан. Кейинроқ улар бир ўғил фарзандли бўлишган. 2000 йилда актёр Зокир Мўминов кутилмаганда оламдан ўтган. Зулхумор Мўминова эрининг вафотидан кейин бошқа турмуш қурмаган.
Раъно Ярашова. Халқимизнинг севимли санъаткорларидан бири бўлган ушбу актриса бир ўғли билан биринчи турмушидан ажрашган. Иккинчи бор турмуш қурган Раъно Ярашова бир қизли бўлган. Унинг бу қизи кўпчилигимиз билган Мадина Мумтоз бўлади. Актрисанинг иккинчи турмуш ўртоғи 2010 йилда юрак хуружи оқибатида вафот этган. Бу йўқотишдан кейин Раъно Ярашова бошқа турмуш қурмаган.
Зоҳида Умарова. Кўплаб томошабинларга «Юрт қадри» номли қўшиғи билан яхши таниш бўлган бу хонанда ҳам юқорида келтирилган санъаткорлар сингари турмуш ўртоғидан эрта айрилган. Хонанданинг турмуш ўртоғи 1998 йилда автоҳалокат натижасида оламдан ўтган. Шундан кейин Зоҳида Умарова бошқа турмуш қурмаган. Ушбу хонанданинг бир қиз ва бир ўғил фарзанди бўлиб, унинг ўғли барчамизга таниш бўлган хонанда Ёрқинхўжа Умаров бўлади.
Дилноза Кубаева. Бу актрисани ўзбек томошабинлари орасида танимаган бўлмаса керак. Актриса 2008 йилда Шуҳрат исмли йигит билан турмуш қурган, ҳамда 2009 йилда ўғил фарзандли бўлган. Бир неча йил ўтиб унинг турмуш ўртоғи оғир хасталикка чалиниб, оламдан ўтган. Турмуш ўртоғидан эрта айрилганига қарамай актриса Дилноза Кубаева бошқа турмушга чиқмаган.
Ҳадича Қурбонова. Хонанда сифатида халқимизга танилиб улгурган ушбу санъаткор бундан бир неча йиллар олдин оила қурган. 2020 йилда хонанданинг турмуш ўртоғи оғир хасталик сабаб оламдан ўтган. 32 ёшда бева қолган Ҳадича Қурбонова ҳозиргача бошқа турмуш қурмади. Бугунги кунда хонанданинг уч ўғил фарзанди бор.