Санъат Шихов: "Ҳиндистондан қўрқсак, футболни йиғиштириш керак"
"Тезкор Студия"нинг бугунги сони қизиқ ва қайноқ фикрларга бой тарзда ўтди. Кўрсатув меҳмони Санъат Шихов Ҳиндистон билан ўйин ҳақида қуйидагича фикрларни билдирди.
"Ҳиндистон ҳам яхши жамоа экан. Уларнинг Австралия билан ўйинини кўрдим. Тенгма-тенг ўйнамаган бўлса ҳам, натижа учун ўйнай оладиган жамоа. Лекин ютишимиз шарт. Ҳиндистондан қўрқадиган пайтга келган бўлсак, футболни йиғиштириш керак.
Ўзбекистон финалга боришини истайман. Италия 2006 йил Жаҳон чемпионатини қандай бошлаганди? Ниятимиз чемпионлик. Аммо ҳозирча минимум вазифа ярим финал. Ярим финалга чиқса, танқидларга ҳожат қолмаса керак. Ўзбекистондан кам нарса кутиш керак, кўп нарса бўлсин. Ҳозир финалда ютқазиб қўйсак, яна танқид қилишади. Кичкина нарсадан умид қилиб туриб катта натижадан хурсанд бўлиш керак, деб ўйлайман", - дейди Санъат Шихов.