Нима сабабдан БААда эркаклар узун оқ либос кияди?

^{Фото: Legion Media}

Бирлашган Араб Амирликларида маҳаллий аёллар кўпинча қора, эркаклар эса оқ кийим кияди. Бунинг сабаби нимада?

Маълум бўлишича, бу кийимининг тарихи узоқ асрларга бориб тақалади. Бу танлов мамлакат жойлашган ҳудуддаги иқлим билан боғлиқ.

Дубай йил давомида 45 даража иссиқ ва қум бўронлари тез-тез содир бўладиган чўл ўртасида қурилган шаҳар ҳисобланди. Шу сабабдан миллий либоснинг асосий вазифаси танани қуёш нуридан, сочни чангдан асрайди ва салқинлик учун хизмат қилади.

^{Фото: Legion Media}

Бу вазифаларнинг барчасини эркаклар кийими — кандура бажаради. Анъанага кўра либос табиий матолардан тикилади. Кийим деярли ҳар доим оқ рангда бўлиб, араблар орасида олижаноблик, қадр-қиммат ва муқаддасликни англатади. Шунингдек, оқ ранг қуёш нуридан яхши ҳимоя қилади, шунинг учун бу рангдаги кийимлар иссиқ ҳаво учун айни муддаодир. Қишда эса БАА араблари бошқа рангдаги қаймоқ рангдан оч яшилгача, ҳатто кўк рангли либослар кияди.

^{Фото: Legion Media}

Эркаклар ўзларининг анъанавий кийимларига алоҳида эътибор билан муносабатда бўлади. Улар махсус одоб сақлаш шартларига риоя қилади. Миллий кийимнинг ўзини кийиш мумкин эмас, шунинг учун улар кандура ичидан ҳар доим махсус кўйлак ва шим кияди.

БААдаги ўзини ҳурмат қилган ҳар бир эркакнинг гардеробида 50 тагача миллий оқ либоси бор. Агар кийимда озгина кир пайдо бўлса, уни дарҳол алмаштириш керак. Араблар кунига 2-3 марта кийим алмаштиради, шунинг учун кир бўлган кандура кийган Амирлик аҳолисини учратиш даргумон.

Шунингдек, Шарқ эркаклари учун кийим-кечак уларнинг диндор ва мавқейини ҳам кўрсатишнинг яна бир усули ҳисобланади.