Азиз Бехич: "Қуръа натижалари Ўзбекистон учун омадли бўлса, терма жамоангиз узоққа боришига шубҳам йўқ"
Австралия терма жамоаси ҳимоячиси Азиз Бехич Ўзбекистон миллий терма жамоаси ҳақидаги фикрларини сайтимиз билан бўлишди.
"Гуруҳ босқичини биринчи ўринда якунладик. Аммо биз барча учрашувларда ғалаба қозонишни режа қилгандик. Ўзбекистон терма жамоаси билан ўйин қийин кечди. 2019 йилга қараганда сизнинг терма жамоангиз янада кучайгандек менимча. Яхши таркиб жамланган ва сизлар ҳам кейинги босқичга йўл олдингизлар.
Ўзбекистон терма жамоасига омад тилайман. Ўзбекистон терма жамоаси каби яхши ҳужум қила оладиган терма жамоаларга очиқ зона тақдим этсангиз бас, улар ушбу зонани эгаллашади. Ўзбекистон катта потенциалга эга ёш жамоа. Қуръа натижалари Ўзбекистон учун омадли бўлса, терма жамоангиз узоққа боришига шубҳам йўқ" - деди Азиз Бехич.