Тошкент ҳавоси сифати ёмонлашди

1 апрель куни Тошкент шаҳрида PM2.5 майда дисперс зарралар миқдори 17 мкг/м³ ни ташкил этди, бу эса Жаҳон соғлиқни сақлаш ташкилоти (ЖССТ) тавсия этган меъёрдан 3,4 баравар юқори, деб IQAir маълумотларига таяниб, nova24.uz хабар берди.

Соат 08:00 ҳолатига кўра, Тошкент ҳавосидаги озон ва PM10 моддалари миқдори рухсат этилган чегаравий меъёрлардан ошмаган. Аммо хавфли PM2.5 зарралар концентрацияси ЖССТ меъёридан 3,4 баравар юқори бўлиб, ҳаво сифати “ўртача” деб баҳоланмоқда.

Эслатиб ўтамиз, Швейцариянинг IQAir компанияси 2024 йил учун тақдим этган ҳисоботига кўра, Ўзбекистон ЖССТ ҳаво сифати меъёрларига жавоб берадиган давлатлар рўйхатига кирмаган.