“Боруссия” драмали учрашувда ғалаба қозониб, гуруҳда пешқадам бўлди

Клублар ўртасидаги жаҳон чемпионати "F" гуруҳи 2-туридан ўрин олган яна бир баҳс футбол мухлислари учун ҳақиқий драмага айланди. АҚШнинг Цинциннати шаҳридаги "Ти-Кью-Эл Стэдиум"да "Мамелоди Сандаунз" (Жанубий Африка) ва Дортмунднинг "Боруссия" жамоалари ўзаро тўқнаш келди. Европанинг кўзга кўринган грандларидан бири бўлган "Боруссия" шиддатли ва голларга бой учрашувда 4:3 ҳисобида зафар қучди.

Ўйиннинг 11-дақиқасида африкаликлар сафида Лукас Рибейро ҳисобни очиб, жамоасига эрта устунликни таъминлади. Бироқ "Боруссия" бу ҳужумга тезда жавоб қайтариб, 16-дақиқада Феликс Нмеча томонидан ҳисобни тенглаштирди. 34-дақиқада ҳужумчи Серу Гирасси жамоасини олдинга олиб чиқди ва дортмундликлар бу устунликни янада мустаҳкамлашга ҳаракат қилди. Биринчи бўлим охирида, 45-дақиқада Жоб Беллингем жамоанинг учинчи голини киритди ва ҳисобни йирик кўринишга олиб келди.

Иккинчи бўлимда ҳам “Боруссия” ҳужумкор ўйин намойиш этишда давом этди. 60-дақиқада "Мамелоди Сандаунз" ҳимоячиси Хулисо Муда ўз дарвозасини ишғол қилиб, ҳисобни катта фарқ билан ортишига сабаб бўлди. Бироқ африкалик футболчилар тушкунликка тушиб қолмади. 62-дақиқада Икром Рейнерс ҳисобни битта тўпга қисқартирди. Ўйиннинг 90-дақиқасида Лебо Мотиба ғолиблик учун сўнгги интригани қайта тиклаб, ҳисобни 4:3 кўринишига олиб келди.

Голларга бой ва жонли кечган беллашувда “Боруссия” муҳим ғалабани қўлга киритди ва 2 турдан сўнг 4 очко билан “F” гуруҳида пешқадамлик қилишда давом этмоқда. “Мамелоди Сандаунз” эса 3 очко билан иккинчи поғонада боряпти. Бу гуруҳда кураш янада қизғин тус олиши аниқ.