Деян Станковичнинг ўғли «Тоттенҳэм»га ўтиши мумкин
Манбага кўра, 20 ёшли таянч ярим ҳимоячини таркибига қўшиб олишга «Тоттенҳэм» қизиқиш билдирмоқда. Шунингдек, Станковичнинг аввал ўйнаган клуби — «Интер» ҳам уни қайтариш вариантини кўриб чиқмоқда.
Милан клуби сербиялик футболчининг трансфер ҳуқуқларини 23 миллион евроға сотиб олишни истамоқда. Александар Станкович жорий йил ёзида «Интер»дан «Брюгге»га 9,5 миллион евро эвазига ўтиб, 2029 йил 30 июнгача мўлжалланган шартнома имзолаган.
Бу мавсум у Белгия клуби сафида барча мусобақаларда 29 та ўйинда майдонга тушиб, 2 та гол урди ва 2 та голли узатма берди.