NASA намойиш этган манзара ижтимоий тармоқларда шов-шув бўлди
NASA олимлари NGC 2264 деб номланган ноёб космик объектнинг янги тасвирини намойиш этди. Ушбу ёш юлдузлар тўплами Ердан тахминан 2 500 ёруғлик йили узоқликда жойлашган бўлиб, ташқи кўриниши билан байрамона Янги йил арчасини эслатади.
Мутахассисларнинг тушунтиришича, суратда кўриниб турган яшил рангли нурланиш газ ва чанг булутларининг фазога тарқалиши натижасида юзага келган. Айнан шу жараён тасвирга арча шаклига ўхшаш кўриниш берган. Ёрқин нуқталар эса янги пайдо бўлаётган ва эндигина шаклланаётган юлдузлар ҳисобланади.
Олимлар бу каби кузатувлар юлдузлар қандай туғилиши, газ булутлари қандай тарқалиши ва коинотдаги жараёнлар қандай кечишини чуқурроқ ўрганишга ёрдам беришини таъкидламоқда. NASA томонидан тақдим этилган ушбу сурат нафақат илмий, балки эстетик жиҳатдан ҳам катта қизиқиш уйғотди.