"ПСЖ" футболчиси Дембеле Францияда йил спортчиси деб топилди

Францияда 2025 йил якунларига кўра мамлакатнинг энг яхши спортчиси аниқланди. Lequipe журналистлари хабар беришича, овоз беришда биринчи ўринни "ПСЖ" ҳужумкор ярим ҳимоячиси Усмон Дембеле эгаллади.

Париж клубининг яна бир футболчиси, вингер Дезире Дуэ ҳам энг яхши ўнта француз спортчиси қаторига кирди. Қизиғи шундаки, Франция терма жамоаси ва Мадриднинг "Реал" клуби юлдузи Килиан Мбаппе энг яхши ўнликка кирмади.

2025 йилда Дембеле "Олтин тўп" соҳиби бўлди. У "ПСЖ" билан бирга Франция чемпионати ва УЕФА Чемпионлар Лигаси ғолиблигини қўлга киритди.