Писаров Россия йиғмасининг кенг рўйхати сабабини айтди
Россия терма жамоаси мураббийлар штабида ишлаётган Николай Писаров миллий жамоанинг кенгайтирилган рўйхатига нега 35 нафаргача футболчи киритилиши борасидаги саволга изоҳ берди. Бу ҳақда euro-football.ru хабар беради.
Мутахассиснинг таъкидлашича, мураббийлар штаби ўртоқлик учрашувларида ҳам футболчиларнинг соғлиғини хавф остига қўймайди: ҳатто кичик жароҳат аломатлари сезилса ҳам, ўйинчилар асраб қолинади.
«Ҳар сафар маълум миқдордаги футболчилар турли сабаблар билан рўйхатдан чиқиб қолади. Натижада рўйхат бир халқаро ойнада ўтказиладиган икки учрашув учун етарли таркибгача қисқаради», — дея Писаровнинг сўзларини келтиради «Чемпионат».
Россия терма жамоасининг навбатдаги назорат ўйинлари 2026 йил март ойида бўлиб ўтиши кутилмоқда.