Писаров Россия учун энг мақбул старт таркибини айтди
Россия терма жамоаси мураббийи Николай Писаров ҳозирги пайтда миллий жамоа учун энг тўғри старт таркиби қандай бўлиши мумкинлиги ҳақида фикр билдирди. Мутахассис 4-3-3 схемасини оптимал деб ҳисоблаб, бу тизим жамоага рақибдан кўра ўз ўйинига таяниб ҳаракат қилиш имконини беришини таъкидлади. Бу ҳақда euro-football.ru хабар беради.
«Чемпионат» билан суҳбатда Писаров дарвозабон масаласида Агкатсев ёки Сафонов вариантини тилга олди, якуний танловни эса дарвозабонлар бўйича мутахассис Виталий Кафанов аниқ айтишини қўшимча қилди. Унингча, марказий ҳимояда Осипенко ва Дивеев тушади, чап қанотда Круговой, ўнгда эса рақибга қараб Вахания ёки Силянoв майдонга чиқиши мумкин.
Ярим ҳимояда мураббий иккита таянч зонасини Кисляк ва Бариновга ишониб топширади, уларнинг олдида эса Батраков жойлашади. Ҳужум чизиғида қанотларда Головин ва Глушенков, марказий ҳужумчи сифатида эса Воробьёв асосий номзод сифатида кўрсатилди.
Писаров шунингдек, энг яхши спорт формасига қайтса Тюкавин асос учун жиддий рақобат яратиши мумкинлигини, Алексей Миранчук ҳам таркибга даъвогарлардан бири эканини қайд этди.
Эслатиб ўтамиз, FIFA ва UEFA қарорига кўра 2022 йилдан буён Россия терма жамоаси расмий турнирларда иштирок эта олмайди ва фақат ўртоқлик учрашувларини ўтказмоқда.