Канчельскис Сафоновни мақтади ва Европага чорлаяпти
“Манчестер Сити” ва “Манчестер Юнайтед”нинг собиқ футболчиси Андрей Канчельскис “Евро-Футбол.Ru”га берган интервьюсида 2025 йилда Матвей Сафоновнинг ўйини ҳақида фикр билдирди. Бу ҳақда euro-football.ru хабар беради.
Канчельскиснинг айтишича, Сафонов ҳозирги пайтда бутун россиялик футболчилар учун намуна бўлаётган дарвозабонлардан бири. У футболчиларга Европада ўзини синаб кўриш имконияти бўлса, уни қўлдан бой бермасликни, ортга қайтишга эса ҳар доим улгуришини таъкидлади.
Эслатиб ўтамиз, 17 декабрь куни “ПСЖ” 2025 йилги Қитъаларо кубок финалида “Фламенго”ни мағлуб этди. Сафонов ўйиндан кейинги пенальтилар сериясида кетма-кет тўртта зарбани қайтариб, FIFA шафелигидаги турнирларда бундай натижага эришган тарихдаги илк дарвозабонга айланди.