«Эспаньол» «Барселона» билан дерби олдидан мухлисларни огоҳлантирди
«Эспаньол» клубининг маълум қилишича, «Барселона»га қарши ўйин чоғида стадионда қўшимча хавфсизлик чораларини жорий этади. Бу ҳақда euro-football.ru хабар беради.
Учрашув 3 январь куни бўлиб ўтади. Клуб ҳар икки дарвоза ортига ҳимоя тўрлари ўрнатилишини билдирди. Бу қарор «Барселона» дарвозабони Жоан Гарсия томонга бегона буюмлар улоқтирилиши эҳтимолининг олдини олиш учун қабул қилинган. Голкипер учун бу баҳс ёзги трансфердан кейин «Эспаньол»га қарши илк ўйин бўлади.
Шунингдек, арена кириш жойларида текширувлар кучайтиради. Чекловлар, хусусан, катта сумка ва рюкзакларга ҳам тааллуқли бўлади. «Эспаньол» алоҳида таъкидлаб ўтдики, стадионга «Барселона» атрибутикаси билан келган томошабинлар киритилмайди.
Клуб баёнотига кўра, меҳмонлар жамоаси рамзлари туширилган кийим ёки белгиларига эга бўлган шахслар учун трибунага кириш ёпилади.