UzAuto Motors бозорга янги Chevrolet Damas моделларини чиқарди
UzAuto Motors компанияси янги Chevrolet Damas Max ва Chevrolet Damas Move тижорат автомобилларини бозорга чиқаришини эълон қилди. Янги моделлар тадбиркорлар ва оилалар эҳтиёжларини инобатга олган ҳолда ишлаб чиқилган.
Chevrolet Damas Move етти нафар йўловчига мўлжалланган бўлиб, оилавий сафарлар ва кичик бизнес учун қулай ҳисобланади. Харидорларга 1,2 литрли 81 от кучига эга ҳамда 1,5 литрли 103 от кучига эга двигатель вариантлари таклиф этилмоқда.
Юк ташиш учун мўлжалланган Chevrolet Damas Max эса 650 кг гача юк кўтариш имконияти ва 3 куб метрдан ортиқ юк бўлимига эга. Икки модель ҳам хавфсизлик тизимлари ва кондиционер билан жиҳозланган.
Chevrolet Damas Max нархи 134 439 000 сўмдан, Damas Move эса 139 675 000 сўмдан бошланади. Сотув бошланиш санаси кейинроқ эълон қилинади.