Мостовой кейинги «Олтин тўп» соҳиби ким бўлишини айтди
Россия терма жамоасининг собиқ ярим ҳимоячиси ва Испаниянинг «Селта» клубида ўйнаган Александр Мостовой кейинги «Олтин тўп» эгаси борасидаги фикрини билдирди. Унинг айтишича, мукофот Мадриднинг «Реал» клуби футболчисига насиб этиши эҳтимоли юқори. Бу ҳақда euro-football.ru хабар беради.
Мостовой Килиан Мбаппени асосий даъвогар сифатида кўрсатди. «У қандай гол ураётгани ва майдонда қандай ўйнаётганини кўряпсиз — агар жароҳат бўлмаса, 2026 йилда албатта ютади», — дея Мостовойнинг сўзларини «Советский спорт» келтирди.
Ҳозирда Мбаппе тиззасидаги муаммо сабаб майдонга туша олмаяпти. Дастлабки маълумотларга кўра, француз ҳужумчининг тикланиши уч ҳафтагача чўзилиши мумкин. 2025 йилда эса Килиан клуб ва терма жамоа сафида жами 66 та гол уришга улгурди.