Мбаппе «Реал» билан «Атлетико»га қарши ўйинга учади
8-январ куни «Реал» ва «Атлетико» Испания Суперкубоги ярим финалида тўқнаш келади. Журналист Хосе Луис Санчес хабарига кўра, ҳозир жароҳат олган ҳужумчи Килиан Мбаппе жамоа билан бирга Суперкубок учрашувлари ўтказиладиган Саудия Арабистонига йўл олади. Бу ҳақда euro-football.ru хабар беради.
Манбага кўра, француз футболчисининг Мадрид дербисида майдонга тушиши эҳтимоли жуда паст: у, катта эҳтимол билан, ҳатто заҳирадан ҳам ўйинга қўшилмайди.
Иккинчи ярим финал 7-январ куни «Барселона» ва «Атлетик» Билбао ўртасида бўлиб ўтади. Финал эса 11-январга белгиланган.
Мбаппе жорий мавсум барча турнирларда 24 учрашувда 29 та гол уришга улгурди.