«Райо Вальекано» «Атлетико» вингери Карлос Мартинни ижарага олди
Мадриднинг «Атлетико» клуби қанот ҳужумчиси Карлос Мартин «Райо Вальекано»га ижара асосида ўтди. Клуб расмий сайти хабарига кўра, футболчи 2026 йил ёзигача «Райо» сафида тўп суради. Бу ҳақда euro-football.ru хабар беради.
23 ёшли Карлос «Атлетико» академияси тарбияланувчиси бўлиб, ҳозирча асосий таркибда мунтазам ўйин амалиётига эга эмас. Жорий мавсумда у бош жамоа сафида 2 учрашувда жами 66 дақиқа майдонга тушган, умумий ҳисобда эса «матрасчилар» таркибида 8 марта ўйнаган.
Ўтган мавсумни Мартин «Алавес»да ижарада ўтказиб, 27 ўйинда 2 та гол урди ва 2 та голли узатма берди. 2023/2024 йилги мавсумда эса у «Мирандес» сафида 40 учрашувда 15 та гол ва 3 та ассист қайд этган.
Transfermarkt маълумотларига кўра, футболчининг бозор қиймати 2,5 миллион еврони ташкил этади.