Эмери «Астон Вилла» ғалабасидан кейин ўйинни таҳлил қилди
«Астон Вилла» бош мураббийи Унаи Эмери Англия чемпионати 20-тури доирасида «Ноттингем Форест» устидан қўлга киритилган ишончли ғалабадан сўнг фикрлари билан ўртоқлашди. Бу ҳақда euro-football.ru хабар беради.
Мутахассис уч очко жамоа учун жуда муҳим бўлганини таъкидлади: унинг айтишича, учрашув олдидан футболчилар дам олиб, тайёргарликни пухта олиб боришган ва қўйилган талабларни тўлиқ бажарган. Эмери вазиятлар пайдо бўлганида гол уриш ҳамда рақибнинг тезкор, хавфли ҳужумларига йўл қўймаслик ҳал қилувчи омил бўлганини қайд этди.
Эслатиб ўтамиз, учрашув 3 январ куни бўлиб ўтди ва «Астон Вилла» 3:1 ҳисобида зафар қучди. Ушбу натижадан кейин бирмингемликлар 42 очко жамғариб, АПЛ турнир жадвалида иккинчи ўринни эгаллаб турибди.