Тожикистон президентининг қизи 10 ёшли Қобилжоннинг онасига 30 минг доллар миқдорида ёрдам берди
Тожикистон президенти Имомали Раҳмоннинг қизи Озода Раҳмон Москвадаги фожиали воқеа ортидан 10 ёшли Қобилжон Алиевнинг онаси Нилуфар Сафоевага моддий ёрдам кўрсатди. Озода Раҳмон 30 минг АҚШ долларига тенг бўлган 300 минг сомоний миқдорида ёрдам бергани маълум қилинди. Бу ҳақда Тожикистоннинг "Ховар" давлат ахборот агентлиги хабар берган.
Маълумотларга кўра, мазкур ёрдам ташаббуси жамиятдаги бирдамлик, инсоний қадриятлар ва меҳр-оқибатни намоён қилиш мақсадида амалга оширилган. Бу ташаббусни қўллаб-қувватлаган Тожикистон ҳукумати Қобилжоннинг онасига уй совға қилган эди, шунингдек, тадбиркор Умар Алиматов унга ойига 10 минг сомоний маош билан иш билан таъминлашга ваъда берган.
Эслатиб ўтамиз, 16 декабрь куни Москва вилоятидаги мактабда бўлиб ўтган фожиали ҳужумда 10 ёшли ўқувчи Қобилжон Алиев ҳалок бўлган. Бу воқеа кенг жамоатчиликда норозиликка сабаб бўлиб, Тожикистон ва Россия расмийлари мазкур ҳолатни кескин қоралашди ва айбдорларни қонун олдида жавобгар қилинишини таъкидладилар.
Шу тариқа, мазкур ёрдам Тожикистоннинг ўзининг инсонпарварлик қадриятларини яна бир бор намоён қилиши ва жамиятдаги ёрдам ва бирдамликни кўрсатади.