Романо Карлнинг «Реал» ҳақидаги гапларига муносабат билдирди
Мюнхеннинг «Бавария» клуби ҳужумкор ярим ҳимоячиси Леннарт Карл яқинда берган интервьюсида келажакда Мадриднинг «Реал» жамоасида ўйнашни орзу қилишини айтди. Бу ҳақда euro-football.ru хабар беради.
17 ёшли футболчининг бу сўзлари «Бавария» мухлисларига унчалик ёқмагани табиий. Машҳур инсайдер Фабритсио Романо эса Карлнинг баёнотини ҳаддан ташқари жиддий қабул қилмасликка чақирди: унинг фикрича, ёш футболчи шунчаки ҳис-туйғуларини очиқ айтган, холос.
Романо таъкидлашича, Карл яқин келажакда «Бавария»ни тарк этишни режалаштирмаяпти эмас. Аксинча, у ўзи учун қадрли бўлган клубда асосий таркибдан жой олиб, ўзини кўрсатишга интилмоқда. Шу боис ҳозирча немис истеъдодининг «Реал»га ўтиши ҳақида гапиришнинг амалий аҳамияти йўқ.
Эслатиб ўтамиз, август ойида Леннарт Карл «Бавария» билан 2028 йилгача мўлжалланган янги шартнома имзолаган. Transfermarkt мутахассислари вундеркинднинг бозор қийматини 60 млн евроқа баҳоламоқда.