«Манчестер Сити» «Челси»га қарши 12 ўйиндан бери ютқазмайди
АПЛнинг 20-турида «Манчестер Сити» «Челси»ни қабул қилиб, 1:1 ҳисобида дуранг ўйнади. Бу натижа билан «шаҳарликлар»нинг лондонликларга қарши мағлубиятсиз серияси 12 та ўйинга етди.
Эслатиб ўтамиз, «Сити»нинг «Челси»дан сўнгги мағлубияти 2021 йил 29 май куни бўлиб ўтган Чемпионлар лигаси финалида қайд этилган эди.
Шундан кейинги ўзаро баҳсларда «Манчестер Сити» устунроқ кўринди: 9 та ғалаба ва 3 та дуранг. (Яъни, ҳозирча «Челси» учун “қора серия” давом этяпти.)
Жадвалда эса Гвардиола шогирдлари 42 очко билан 2-ўринда қолди, «Челси» 31 очко билан 5-поғонада турибди.