Тошкентда Спарк автомашинаси ёниб кетди: ёнғин тезда ўчирилди (видео)
0
Тошкент шаҳрида “Спарк” русумли автомашинада ёнғин чиқди. Ҳодиса жойидан олинган суратларда қутқарувчилар ва ёнғин-қутқарув техникаси машинани ўчириш ишларини олиб бораётгани, йўл қисмида тутун кўтарилгани ҳамда ёнғин ўчириш кўпиги қўлланилгани кўринади. Йўлнинг бир қисми вақтинча чеклангани сабаб ҳаракат секинлашган.
Қайд этилишича, ёнғин оқибатида жароҳат олганлар йўқ. Ҳозирда автомашинада ёнғин чиқиши сабаблари аниқланмоқда.
ФВББ ҳайдовчилардан автомобилнинг техник ҳолатини мунтазам текшириб бориш, электр симлари ҳамда ёнилғи тизимидаги носозликларга бепарво бўлмасликни сўрайди. Фавқулодда ҳолат юз берганда эса зудлик билан 101 ёки 112 рақамларига мурожаат қилиш тавсия этилади.