Fallout London учун Last Orders 2026 йил бошида чиқади

Fallout London глобал модификацияси муаллифлари Last Orders номли иккинчи йирик қўшимча устида ишлаётганини маълум қилди. Бу ҳақда playground.ru хабар беради.

Лойиҳа раҳбари Дин Картер айтишича, асосий ишлаб чиқиш босқичи деярли якунланган: ҳозир жамоа контентни синовдан ўтказиш ва якуний сайқаллаш ишларига эътибор қаратган. Бироқ аниқ сана ҳозирча очиқланмаяпти — аввалги Rabbit and Pork қўшимчаси тажрибаси тест ва polishing кутилганидан кўпроқ вақт олиши мумкинлигини кўрсатган.

Last Orders’нинг ҳикояси ҳамда ўйин механикалари ҳақида ҳозирча батафсил маълумот берилмади. Team FOLON кейинроқ қўшимча тафсилотларни улашишини, шунингдек келажак режалари ҳақида ҳам гапиришини айтмоқда — улар модлар яратишдан бошлаб мустақил ўйинлар ишлаб чиқиш босқичига ўтишга умид қилмоқда.

Last Orders қўшимчасини 2026 йилнинг биринчи чорагида чиқариш режалаштирилмоқда.